මට
ඇහැරෙනකොට සුළැඟිල්ලේ උලාපු
දම්පාට ජන්ද තීන්ත දුඹුරු
පාටට හැරිලා තිබුණා .
කොට්ටයක්
වෙනුවට රත්නෙ අයියගෙ ලැප්ටොපේ
බෑග් එක ඔළුවට තියාන බුදියෑව
නිසාම බෙල්ලත් නොසෑහෙන්න
රිදුම් දුන්නා . රෑ
තිස්සේ බීපු හල්මිල්ල අරක්කු
තාමත් උගුර දිගේ ඇවිලා එබිකං
කරලා බලලා ආයෙත් යන්නවා
.
"නැගිට්ටා නං ගිහිං මූණ හෝදං වරෙං . . ."
අජිතයා මගේ දිහෑට ඇංකර් පැකට් එකක දමාපු සබං කෑල්ලං විසි කළා . ඔහේ නැගිටපු මට තවමත් හිත රිදෙන්න විකාශය වෙන ජන්ද ප්රතිඵල ඇහුණා . යටි හිතින් දුක් වෙන ගමන් මම මූණ හෝදන්න ළිඳට ගියා .
ජන්ද දවස අපේ ගමට අවුරුදු දවසක් වගේ . මේ තරම් ලස්සනට ජන්දයක් සැමරුවේ බොහොම කාලෙකින් .අපි පොඩිම කාලේ ගෙදර තියෙන සැප පහසුම පුටුව ගෙයි ටීවී එක ඉස්සරහට ඇදගෙන ටීවී එකේ ජන්ද ප්රතිඵල අතරේ හෙමිහිට දුවන චිත්රපටිය බලන්න අපි පුදුම විදිහට ආසා කළා . දැන් කාලේ වෙනස් . දැන් ගෙදර ඉඳන් ජන්දේ අහන්න අපිට හිත දෙන්නෑ . කොහෙන් හරි බෝතලයක් දෙකක් අරගෙන . තවත් එවුන් කීප දෙනෙක් එක්ක ටීවී එකක් තියෙන වැඩිහිටියෝ නැති අපේම අපේ රාජ්යකට සෙට් වෙන්නයි අපි කවුරුත් කැමති .
ජන්ද ප්රතිඵල අහන ගමන් අරක්කු බොන එක , කොච්චි සම්බෝලත් එක්ක මඤ්ඤොක්කා කන එක , නොසෑහෙන්න දුම් බොන අතරේ ජීවිතේට දේශපාලනේ කතා නොකෙරුව එවුන් සෙට් වෙලා දේශපාලනේ කතාකරන එක. . . ජන්දෙක නියම ආතල් එක ඒකයි .
මෙදා ජනාධිපතිවරණයට අපි සෙට් වුණේ අජිතයාලෑ දිහෑවේ. අජිතගේ අම්මයි තාත්තයි දෙන්නම ජන්ද ඩියුටි වැටිලා ඉතින් ගමේ කොල්ලෝ සෙට් එකෙන් බාගයක්ම අජිතලෑ ගේ අස්සේ සෙට් වෙලා උන්නා .
"අජිය කහටෙකක් බොමුද ?”
කෙළින්ම ටී එකක් ඉල්ලන්ඩ බෑ නේ . ඒ නිසා මම වටෙන් ඇවිදින් විසිල් එකක් ගහලා තේ කහට පාරක් ඉල්ලවුවේ .
"උඹට කහටෙකක් නේ . උපාලි අයියේ උඹට මොනා ?”
අජියා ඇහුවේ බිම රෝල් වෙවි බුදියන ජන්ද දායකයෝ අතරේ විනීතව බුදියාණ උන්නු එකම එකා වෙච්ච උපාලි අයියගෙන් .
"මට පිටි එකක් දියන් උදේම කහට බීවම ගෑස්ටික් අල්ලනවා .”
"ඒ අජියා මට ටිකක් සීනි අඩුවෙන් දාපන්"
"මේ උඹලගේ අර අඩිය කළුපාට අඬු කෝප්පෙන් නම් මට තේ ගේන්ඩ එපා ඕං ඈ .. “
බිම බුදියාණ හිටි ජන්ද දායකයෝ එක එකා තම තමන්ගේ තේ ඉල්ලීම් දිරිපත් කරද්දි කුස්සියට ගිය අජියා බෝතල් තුනක් ගෙනවා. ගෙනල්ලා ගෙයි සාලේ මැද්දෙන් තියලා අපේ මූණ බලවුවා .
"සීනි පන්සීයම ඊයේ රෑට ඉවරයි . නෙස්ටෝ මෝල්ට් පිටි ටික දුකා රොටී වල ගාගෙන කාලා ඒකත් ඉවරයි . තේ කොළත් ඉවරයි ඕනං ටිකක් තියනවා කුස්සිය පැත්තේ අළු කෙහෙල් පඳුර යට එයින් ටිකක් එකතු කරලා ගෙනද්දෙන එවුන්ට තේ දෙන්ඩ පුළුවන් .. දැන් උඹලට තේ ඔනෑද ?”
"ඔනෑ නෑ ඔනෑ ඔනෑ !”
අපි හැමෝම එක හඬින් කියලා බුම්මා ගත්තා .
"මේ ඊයේ ඉතිරි වෙච්ච හල්මිල්ල බෝතලකුයි තව බාගෙකුයි නම් තියෙනවා"
ජන්දෙත් පැරදුන අපිට ඉතිරි වෙලා තිබිච්චි අන්තිම වස්තුව වෙච්ච හල්මිල්ල එකාමාර අජියා ගෙනල්ලා සාලෙන් තීවා .
දුකා පැන්න ගමන් අමුවෙන්ම හල්මිල්ල ෂොට් එකක් ඇදලා ඇරියා . උගේ කට දෙපැත්තෙන් හල්මිල්ල අරක්කු බේරෙන හැටි දැකපු මට හොඳටෝම වෙරි වුණා .
"මනුස්සයෙක් වගේ අරක්කු බීපං ..” මම දුකාට කීවා
"ඇඟේ අමාරුවට හල්මිල්ල අවුසදයක් බං .” දුකා කියනවා
"වහු පැටියෝ ඕකේ ඇති හල්මිල්ලක් නෑ නම විතරයි හල්මිල්ල"
"ඒත් හිතේ අමාරුවට මෙවුවා හොඳා බං “. . . දුකා ඒ ගමන කියනවා
මම අහක බලාගත්තා
"ගෙයි ඇතුළේ කන්ඩ කිසි දෙයක් නෑ . රෙද්දක් ඇඳගෙන දැම්ම පාරට යන්නත් බෑ බං . සඳරුවා මුනා අපි කන්නේ ?.”
xx බලකායේ අජියා පොඩ්ඩක් බය වෙලා .
ඊයේ රෑ තිස්සෙම මඤ්ඤොක්කා කාලා, අරක්කු බීලා, ජන්දෙ අහලා, පැරදිලා, ඇඟේ ලේ නැතිව ඉන්න අපේ සෙට් එකට කන්ඩ දෙයක් ගේන්ඩ හන්දියට යන්ඩ මම එඩිතර වුණා . බයික්කෙ අරගත්ත මම හීං සිරූවේ ගිහින් ගමේ ඇරලා තිබුණ එකම කඩේ වෙච්ච "බදා අයියගේ කඩේට ගියා .
"ප්රදේශයේ බුද්ධිමත් ජතාව යන එන එකම වෙළෙඳසැල " කාඩ්බෝඩ් එකක ලියාපු පඬි වදනක් බදා ස්ටෝස් එකට යන ඕනෑ කෙනෙක්ට මුලින්ම පේන්න තියෙනවා .
"බදා අයියේ, බදා අයියෝ . . .”
මගේ හඬ ඇහිලා බදා අයියා ගෙයි ඇතුළේ ඉඳන් කඩේට ආවා . උගේ අතේ පොල්කටු හැන්ඳක් .
"ආ මල්ලියා අපි මේ කිරිබත් උයවුවා"
බදා අයියා හැන්දේ මිටේ කිරිබත් ටික හූරලා කෑවා . . .
"අවුලක් බදා අයියේ කාපං . මං මේ ආවේ චිකන් එකක් ගෙනියන්න.. චිකන් තියෙනවා නේද ?”
"හරක් චිකන්ද? , ඌරු චිකන්ද ? “
මගෙ වෙරි ගතිය අනික් එවුන්ට බෝ වෙනවද කියලා මම ටිකක් බය වුණා . පස්සේ මතක් වුණා මේ මුගේ හැටි කියලා .
"මං ඇහුවේ බං කුකුල් මස් තියේද කියලා"
"ආ කුකුල් චිකන් ඕ තියේ ! නොම්මර එකේ ගං කුකුල් චිකන් . . කිරිබතට මරුවට කැපෙනවා"
"ගං කුකුළා කපන්නයි , හපන්නයි බෑ . අනික මම කිරිබත් හදන්නෑ බං.. මට ඔය කටු නැති එකෙන් කිලෝ එක හමාරක්, එකයි අටසීයක් වගේ දියන් . “
"මල්ලී පොඩ්ඩක් ඉඳින් මම උඹට කිරිබත් දෙන්නං . . . ඇන්න පල , යහමින් කිරිත් දමවුවා.”
"එපා එපා බං උඹ කාහං"
හෙමි හෙමීට පැයක් විතර කුකුල් මස් කිරාපු බදා අයියා ඒක මට දෙන්නැතුං ආයෙත් කතාව පටන්ගත්තා .
"මල්ලී කොලොප්පමකට නෙවෙයි .. මම ගමකට කිරිබත් ඊවා මට වැඩියි බං ටිකක් ඇන්න පල . . “
"වැඩියි නං ඔතලා අරං තියාගනිං තව මාස තුනකිං මහ මැතිවරනේ එනවානේ. . . . එතකොටත් කෑ හැකිණේ …"
මම කුකුල් මස් එකයි හැත්තෑවේ පාං ගෙඩි පහකුයි අරගෙන අජිය ලෑ ගෙදර ගියා .
"අඩෝ සඳරුවා උඹ දෙයියෙක් .”
අජියා පැන්න ගමන් චිකන් එක උදුරගත් හැටියට මම හිතුවේ ඌ ඒක අමුවෙන් කාවි කියලා .
කට්ටියම එක්කාසු වෙලා බොයිලර් කුකුළාව පලු ගහලා අඟල් දෙකේ හතරේ කුට්ටි කපලා හැළියකට දැම්මා .
"දැන් කෝ paකෝ ලිපේ දාන්න දර ?”
කවුරුත් ඇහුවේ අජියාගෙන් .
"අපේ අයියා දර ටික සේරෝම ඇන්න ගියා බං. ඌ මහ ගල් තලාවෙ ගිනිමැලයක් ගහගෙන එතන ජන්දෙ අහනවා ..”
"දැං ඉතින් ලිපේ දාන්නේ මොක ?”
"පොඩියක් ඉඳින්කෝ .”
කඩිමුඩියෙ ගෙයි ඇතුළට දීව අජියා ඇඳක ලෑල්ලක් උස්සාගෙන ආවා .
"මේක පළමු ලිපේ දාමු.”
"අපරාදේ යකෝ හොඳ ඇඳ ලෑල්ලක් .”
"කමන්නෑ බං මේක අපේ අයියාගේ ඇඳෙන් ගත්තේ ඕකා කෝමත් අනික් පැත්තට තමා කතිරෙ ගහන්ඩැත්තේ .. ඒ නිසා මේ ලෑල්ල පළමු .”
මැතිවරණ ප්රචණ්ඩ ක්රියාවක් කියලා අම්පාරේ සිද්ධ වුණ පළවෙනි මැර වැඩේ ඒ විදිහට සිද්ධ වුණා .
පලාපු ඇඳ ලෑල්ල හොඳට ඇවිලුණා . කවුරු කවුරුත් ඉතිරි අරක්කු ටික ඉවර කරලා බඩ පිරෙන්න කෑවා . ඇති හිතෙනකං බීඩි බීවා . හිතේ දුක යන්න දුක්බර සින්දු කීවා .
"මේ ගෙනා රතිඤ්ඤා ටිකත් ලිපේ දාමු බං ඇති වැඩක් නෑ නොවැ . . . “
උපාලියා එහෙම කියද්දි මට බය හිතුණා . මූ ඒ වැඩේ හැබෑවටම කරාවිද කියලා . මම කෝකටත් කියලා ලිප උඩ තිබ්බ මස් හැළිය බිමට බෑවා . ඔන්න එතකොටම වාගේ ගෙයි සාලේ තිබ්බ ටීවී එකේ අම්පාර ජන්ද ප්රතිඵලය විකාශය වුණා .. .
කට්ටියම සෙට් වෙලා ලස්සනට රතිඤ්ඤා දැම්මා එළියට බහින්න බැරිව හිටි එවුන් මිදුලට බැහැලා නැටුවා . හූ කීවා .. මාත් ඕං ඔහේ පොඩ්ඩක් නටලා හිතේ දුක එළියට දැම්මා .
තව මොහොතකින් මූණ කට හෝදගෙන විටක් එහෙම හපලා අපි කවුරුත් හන්දිය පැත්තට ගියා . පුංචි පාලම ගාව පශ්චාත් මැතිවරණ ප්රචණ්ඩ ක්රියාවක් සිද්ද වෙලා . එතන හෙණ කෙලියයි .
XXXට ජය වේවා කියලා කෑ ගහපු වයසක පුංචි හාමි නැන්දාට ඇලේ නාන තොටේ පඩිපෙළ ගාව මූණ හෝදමින් උන්න XXXX පාක්ෂික ශ්රී ලාල් මාමා සරම උස්සලා පශ්චාත් බාගේ පෙන්නලා . . .
එතනට වෙලා දෙපැත්තේ වැඩිහිටියන්ගේ වාද විවාද බලලා පොඩ්ඩක් හිනා වෙලා ජන්ද ආතල් එක ගත්තම හිතේ දුක ටිකක් දුරට යන්න ගියා .
ගමේ කොල්ලෝ ගොඩ දෙනෙක් තැන් තැන් වල ඉඳගෙන බුම්මගෙන ඔහේ තේරුමක් නැති දේවල් කතා කරනවා . ජීවිතේට අහලා නොතිබ්බ විදිහේ අමුතු නීති රීති කිය කියා පාර්ලිමේන්තුවේ 3න් 2කේ බලයක් ගෙනල්ලා ආයෙත් දිනන්න කතා කරනවා ,දණ්ඩ නීති සංග්රහය කට පාඩමින් කියෝනවා .
"මේ අහපල්ලා දැන් XXXපාලනේ ආවා හදිස්සි නොවී අපි ඒකට රිටන් එක දෙමු දොඹෙන් යන්න . . .”
"නැගිට්ටා නං ගිහිං මූණ හෝදං වරෙං . . ."
අජිතයා මගේ දිහෑට ඇංකර් පැකට් එකක දමාපු සබං කෑල්ලං විසි කළා . ඔහේ නැගිටපු මට තවමත් හිත රිදෙන්න විකාශය වෙන ජන්ද ප්රතිඵල ඇහුණා . යටි හිතින් දුක් වෙන ගමන් මම මූණ හෝදන්න ළිඳට ගියා .
ජන්ද දවස අපේ ගමට අවුරුදු දවසක් වගේ . මේ තරම් ලස්සනට ජන්දයක් සැමරුවේ බොහොම කාලෙකින් .අපි පොඩිම කාලේ ගෙදර තියෙන සැප පහසුම පුටුව ගෙයි ටීවී එක ඉස්සරහට ඇදගෙන ටීවී එකේ ජන්ද ප්රතිඵල අතරේ හෙමිහිට දුවන චිත්රපටිය බලන්න අපි පුදුම විදිහට ආසා කළා . දැන් කාලේ වෙනස් . දැන් ගෙදර ඉඳන් ජන්දේ අහන්න අපිට හිත දෙන්නෑ . කොහෙන් හරි බෝතලයක් දෙකක් අරගෙන . තවත් එවුන් කීප දෙනෙක් එක්ක ටීවී එකක් තියෙන වැඩිහිටියෝ නැති අපේම අපේ රාජ්යකට සෙට් වෙන්නයි අපි කවුරුත් කැමති .
ජන්ද ප්රතිඵල අහන ගමන් අරක්කු බොන එක , කොච්චි සම්බෝලත් එක්ක මඤ්ඤොක්කා කන එක , නොසෑහෙන්න දුම් බොන අතරේ ජීවිතේට දේශපාලනේ කතා නොකෙරුව එවුන් සෙට් වෙලා දේශපාලනේ කතාකරන එක. . . ජන්දෙක නියම ආතල් එක ඒකයි .
මෙදා ජනාධිපතිවරණයට අපි සෙට් වුණේ අජිතයාලෑ දිහෑවේ. අජිතගේ අම්මයි තාත්තයි දෙන්නම ජන්ද ඩියුටි වැටිලා ඉතින් ගමේ කොල්ලෝ සෙට් එකෙන් බාගයක්ම අජිතලෑ ගේ අස්සේ සෙට් වෙලා උන්නා .
"අජිය කහටෙකක් බොමුද ?”
කෙළින්ම ටී එකක් ඉල්ලන්ඩ බෑ නේ . ඒ නිසා මම වටෙන් ඇවිදින් විසිල් එකක් ගහලා තේ කහට පාරක් ඉල්ලවුවේ .
"උඹට කහටෙකක් නේ . උපාලි අයියේ උඹට මොනා ?”
අජියා ඇහුවේ බිම රෝල් වෙවි බුදියන ජන්ද දායකයෝ අතරේ විනීතව බුදියාණ උන්නු එකම එකා වෙච්ච උපාලි අයියගෙන් .
"මට පිටි එකක් දියන් උදේම කහට බීවම ගෑස්ටික් අල්ලනවා .”
"ඒ අජියා මට ටිකක් සීනි අඩුවෙන් දාපන්"
"මේ උඹලගේ අර අඩිය කළුපාට අඬු කෝප්පෙන් නම් මට තේ ගේන්ඩ එපා ඕං ඈ .. “
බිම බුදියාණ හිටි ජන්ද දායකයෝ එක එකා තම තමන්ගේ තේ ඉල්ලීම් දිරිපත් කරද්දි කුස්සියට ගිය අජියා බෝතල් තුනක් ගෙනවා. ගෙනල්ලා ගෙයි සාලේ මැද්දෙන් තියලා අපේ මූණ බලවුවා .
"සීනි පන්සීයම ඊයේ රෑට ඉවරයි . නෙස්ටෝ මෝල්ට් පිටි ටික දුකා රොටී වල ගාගෙන කාලා ඒකත් ඉවරයි . තේ කොළත් ඉවරයි ඕනං ටිකක් තියනවා කුස්සිය පැත්තේ අළු කෙහෙල් පඳුර යට එයින් ටිකක් එකතු කරලා ගෙනද්දෙන එවුන්ට තේ දෙන්ඩ පුළුවන් .. දැන් උඹලට තේ ඔනෑද ?”
"ඔනෑ නෑ ඔනෑ ඔනෑ !”
අපි හැමෝම එක හඬින් කියලා බුම්මා ගත්තා .
"මේ ඊයේ ඉතිරි වෙච්ච හල්මිල්ල බෝතලකුයි තව බාගෙකුයි නම් තියෙනවා"
ජන්දෙත් පැරදුන අපිට ඉතිරි වෙලා තිබිච්චි අන්තිම වස්තුව වෙච්ච හල්මිල්ල එකාමාර අජියා ගෙනල්ලා සාලෙන් තීවා .
දුකා පැන්න ගමන් අමුවෙන්ම හල්මිල්ල ෂොට් එකක් ඇදලා ඇරියා . උගේ කට දෙපැත්තෙන් හල්මිල්ල අරක්කු බේරෙන හැටි දැකපු මට හොඳටෝම වෙරි වුණා .
"මනුස්සයෙක් වගේ අරක්කු බීපං ..” මම දුකාට කීවා
"ඇඟේ අමාරුවට හල්මිල්ල අවුසදයක් බං .” දුකා කියනවා
"වහු පැටියෝ ඕකේ ඇති හල්මිල්ලක් නෑ නම විතරයි හල්මිල්ල"
"ඒත් හිතේ අමාරුවට මෙවුවා හොඳා බං “. . . දුකා ඒ ගමන කියනවා
මම අහක බලාගත්තා
"ගෙයි ඇතුළේ කන්ඩ කිසි දෙයක් නෑ . රෙද්දක් ඇඳගෙන දැම්ම පාරට යන්නත් බෑ බං . සඳරුවා මුනා අපි කන්නේ ?.”
xx බලකායේ අජියා පොඩ්ඩක් බය වෙලා .
ඊයේ රෑ තිස්සෙම මඤ්ඤොක්කා කාලා, අරක්කු බීලා, ජන්දෙ අහලා, පැරදිලා, ඇඟේ ලේ නැතිව ඉන්න අපේ සෙට් එකට කන්ඩ දෙයක් ගේන්ඩ හන්දියට යන්ඩ මම එඩිතර වුණා . බයික්කෙ අරගත්ත මම හීං සිරූවේ ගිහින් ගමේ ඇරලා තිබුණ එකම කඩේ වෙච්ච "බදා අයියගේ කඩේට ගියා .
"ප්රදේශයේ බුද්ධිමත් ජතාව යන එන එකම වෙළෙඳසැල " කාඩ්බෝඩ් එකක ලියාපු පඬි වදනක් බදා ස්ටෝස් එකට යන ඕනෑ කෙනෙක්ට මුලින්ම පේන්න තියෙනවා .
"බදා අයියේ, බදා අයියෝ . . .”
මගේ හඬ ඇහිලා බදා අයියා ගෙයි ඇතුළේ ඉඳන් කඩේට ආවා . උගේ අතේ පොල්කටු හැන්ඳක් .
"ආ මල්ලියා අපි මේ කිරිබත් උයවුවා"
බදා අයියා හැන්දේ මිටේ කිරිබත් ටික හූරලා කෑවා . . .
"අවුලක් බදා අයියේ කාපං . මං මේ ආවේ චිකන් එකක් ගෙනියන්න.. චිකන් තියෙනවා නේද ?”
"හරක් චිකන්ද? , ඌරු චිකන්ද ? “
මගෙ වෙරි ගතිය අනික් එවුන්ට බෝ වෙනවද කියලා මම ටිකක් බය වුණා . පස්සේ මතක් වුණා මේ මුගේ හැටි කියලා .
"මං ඇහුවේ බං කුකුල් මස් තියේද කියලා"
"ආ කුකුල් චිකන් ඕ තියේ ! නොම්මර එකේ ගං කුකුල් චිකන් . . කිරිබතට මරුවට කැපෙනවා"
"ගං කුකුළා කපන්නයි , හපන්නයි බෑ . අනික මම කිරිබත් හදන්නෑ බං.. මට ඔය කටු නැති එකෙන් කිලෝ එක හමාරක්, එකයි අටසීයක් වගේ දියන් . “
"මල්ලී පොඩ්ඩක් ඉඳින් මම උඹට කිරිබත් දෙන්නං . . . ඇන්න පල , යහමින් කිරිත් දමවුවා.”
"එපා එපා බං උඹ කාහං"
හෙමි හෙමීට පැයක් විතර කුකුල් මස් කිරාපු බදා අයියා ඒක මට දෙන්නැතුං ආයෙත් කතාව පටන්ගත්තා .
"මල්ලී කොලොප්පමකට නෙවෙයි .. මම ගමකට කිරිබත් ඊවා මට වැඩියි බං ටිකක් ඇන්න පල . . “
"වැඩියි නං ඔතලා අරං තියාගනිං තව මාස තුනකිං මහ මැතිවරනේ එනවානේ. . . . එතකොටත් කෑ හැකිණේ …"
මම කුකුල් මස් එකයි හැත්තෑවේ පාං ගෙඩි පහකුයි අරගෙන අජිය ලෑ ගෙදර ගියා .
"අඩෝ සඳරුවා උඹ දෙයියෙක් .”
අජියා පැන්න ගමන් චිකන් එක උදුරගත් හැටියට මම හිතුවේ ඌ ඒක අමුවෙන් කාවි කියලා .
කට්ටියම එක්කාසු වෙලා බොයිලර් කුකුළාව පලු ගහලා අඟල් දෙකේ හතරේ කුට්ටි කපලා හැළියකට දැම්මා .
"දැන් කෝ paකෝ ලිපේ දාන්න දර ?”
කවුරුත් ඇහුවේ අජියාගෙන් .
"අපේ අයියා දර ටික සේරෝම ඇන්න ගියා බං. ඌ මහ ගල් තලාවෙ ගිනිමැලයක් ගහගෙන එතන ජන්දෙ අහනවා ..”
"දැං ඉතින් ලිපේ දාන්නේ මොක ?”
"පොඩියක් ඉඳින්කෝ .”
කඩිමුඩියෙ ගෙයි ඇතුළට දීව අජියා ඇඳක ලෑල්ලක් උස්සාගෙන ආවා .
"මේක පළමු ලිපේ දාමු.”
"අපරාදේ යකෝ හොඳ ඇඳ ලෑල්ලක් .”
"කමන්නෑ බං මේක අපේ අයියාගේ ඇඳෙන් ගත්තේ ඕකා කෝමත් අනික් පැත්තට තමා කතිරෙ ගහන්ඩැත්තේ .. ඒ නිසා මේ ලෑල්ල පළමු .”
මැතිවරණ ප්රචණ්ඩ ක්රියාවක් කියලා අම්පාරේ සිද්ධ වුණ පළවෙනි මැර වැඩේ ඒ විදිහට සිද්ධ වුණා .
පලාපු ඇඳ ලෑල්ල හොඳට ඇවිලුණා . කවුරු කවුරුත් ඉතිරි අරක්කු ටික ඉවර කරලා බඩ පිරෙන්න කෑවා . ඇති හිතෙනකං බීඩි බීවා . හිතේ දුක යන්න දුක්බර සින්දු කීවා .
"මේ ගෙනා රතිඤ්ඤා ටිකත් ලිපේ දාමු බං ඇති වැඩක් නෑ නොවැ . . . “
උපාලියා එහෙම කියද්දි මට බය හිතුණා . මූ ඒ වැඩේ හැබෑවටම කරාවිද කියලා . මම කෝකටත් කියලා ලිප උඩ තිබ්බ මස් හැළිය බිමට බෑවා . ඔන්න එතකොටම වාගේ ගෙයි සාලේ තිබ්බ ටීවී එකේ අම්පාර ජන්ද ප්රතිඵලය විකාශය වුණා .. .
කට්ටියම සෙට් වෙලා ලස්සනට රතිඤ්ඤා දැම්මා එළියට බහින්න බැරිව හිටි එවුන් මිදුලට බැහැලා නැටුවා . හූ කීවා .. මාත් ඕං ඔහේ පොඩ්ඩක් නටලා හිතේ දුක එළියට දැම්මා .
තව මොහොතකින් මූණ කට හෝදගෙන විටක් එහෙම හපලා අපි කවුරුත් හන්දිය පැත්තට ගියා . පුංචි පාලම ගාව පශ්චාත් මැතිවරණ ප්රචණ්ඩ ක්රියාවක් සිද්ද වෙලා . එතන හෙණ කෙලියයි .
XXXට ජය වේවා කියලා කෑ ගහපු වයසක පුංචි හාමි නැන්දාට ඇලේ නාන තොටේ පඩිපෙළ ගාව මූණ හෝදමින් උන්න XXXX පාක්ෂික ශ්රී ලාල් මාමා සරම උස්සලා පශ්චාත් බාගේ පෙන්නලා . . .
එතනට වෙලා දෙපැත්තේ වැඩිහිටියන්ගේ වාද විවාද බලලා පොඩ්ඩක් හිනා වෙලා ජන්ද ආතල් එක ගත්තම හිතේ දුක ටිකක් දුරට යන්න ගියා .
ගමේ කොල්ලෝ ගොඩ දෙනෙක් තැන් තැන් වල ඉඳගෙන බුම්මගෙන ඔහේ තේරුමක් නැති දේවල් කතා කරනවා . ජීවිතේට අහලා නොතිබ්බ විදිහේ අමුතු නීති රීති කිය කියා පාර්ලිමේන්තුවේ 3න් 2කේ බලයක් ගෙනල්ලා ආයෙත් දිනන්න කතා කරනවා ,දණ්ඩ නීති සංග්රහය කට පාඩමින් කියෝනවා .
"මේ අහපල්ලා දැන් XXXපාලනේ ආවා හදිස්සි නොවී අපි ඒකට රිටන් එක දෙමු දොඹෙන් යන්න . . .”
කොල්ලෝ සෙට් එකම මා වටා එක් රොක් වුණා .උන් මම කියන කතා අහනවට වඩා මගේ උඩ සාක්කුවේ තියෙන සිගරට් ටික දිහා බලනව බව මම පස්සේ තේරුම් ගත්තා . මම සිගරට් කීපයක් උන්ට බෙදා දීලා ආයේ කතාව පටන්ගත්තා . ඒක බොහෝම උද්වේගකර කතාවක්
"අපි වැටුන්නෑ මල්ලිලා . මේ ගමෙ සමහරු හිතාන ඇති අපි වැටිලා කියලා . අපි සංවිධානය වෙමු . මුල ඉඳන් සංවිධානය වෙලා අම්පාරේ අපේ බලේ මුලු ගමටම පෙන්නමු .”
"ගමට නෙවෙයි රටට නේද අයියේ . .?”
ලොකු රට්ටං මාමගේ පොඩි එකා කතාව මැදිං පැනලා කට දැම්මා , මට මල පැන්නා .
"කට පියං හිටිං කියනකං . ඉස්සර වෙලා ගම පස්සේ තමයි බොල රට .” මම ආයේ කතාව පටන්ගත්තා . කොල්ලෝ කටවල් ඇරගෙන අහගෙන උන්නා .
"ජීවිතේ ජය පරාජය කියන දේ අපි විඳගන්න ඕන . එදා 19 කොල්ලෝ ගහන්න එද්දී අපි ගමක් හැටියට එකතු වුණා ඒත් උන් ළඟටම එනකොට එකතු වෙච්ච එවුන් ෂේප් එකේ මාරු වුණා . ඉතින් අපේ ගම පදිරි වුණා . ඒත් මෙදා පාර අපි XXXමහත්තයා වටේ එකතු වුණා . අම්පාරේ ජන්ද ප්රතිඵලේ බලද්දී උඹලගෙ අපේ එකමුතුව මම හොඳටම දැක්කා ඒ එකමුතු කම අපි ආවුදයක් කරගෙන පෙරට ගිහින් සුපිරි වැඩක් දෙමු … එහෙම නේද ? .”
"එහෙයි , මචං , එහෙයි අයියා , නියමයි අයියා , දැං ඇති බං , අපිට වැඩ තියෙනවා යන්ඩ ඔනෑ .” වගේ දිරිගන්වන වදන් හතර වටින්ම ඇහුණා
"තව මාස හතරකින් අපේ වෙලාව එනවා . එතකං නිකං ඉන්න එපා ගම වටේම ගිහින් මිනිස්සු දැනුවත් කරන්න ඕන . උඹලා සූදානම් වෙන්න ඕන . අප්රේල් වෙද්දී අම්පාරම හොල්ලමු . මෙදා පොටේ සිංහල අලුත් අවුරුද්දට අපි............... චාමර රණවකව අම්පාරට ගේමු . !”
දිගු නිහඬතාවයක් ඇති වුණා . . . කතාවට කියනවා "නිහඬතාවයෙන් පෙනී යන්නේ එකඟතාවයයි" කියලා. . .
"ඒ මොකටද බං ? , මූට පිස්සුද බං ? , තාම බඩුද?, මූ කීවේ චම්පික රණවක කියලද ?
නිහඬ බව බිඳිලා ,කට්ටියටම මං ගැන සැකයක් මතු වෙලා
"මචංලා මම කියනදේ අහපල්ලා . අපි මීට කලින් මේ විදිහට බඩ බැඳගෙන දේශපාලනේ කළේ නෑ . ඉතින් මෙදා පොටේ අපිට හොඳටම රිදුනා නේ. වෙච්ච දේ අමතක කරමු අපි හොඳට සංවිධානය වෙලා චාමර රණවකගේ ඒකපුග්ගල සංඟීත රාත්රියක් අපේ ගමේ සංවිධානය කරමු . “
"පුතේ ඒකේ තේරුමක් නෑ නේ ! . ජනාධිපතියි චාමර රණවකයි නිකං ලංකට් එකයි , පැට්ටොල් ලාම්පුවයි වගේනේ කිසි ගැළපීමක් නෑනේ ..”
මගේ කතාව අහගෙන උන්න එකම වැඩිහිටියා වෙච්ච ගාමිණී මාමා කලබල වෙලා ..
"මාමා අහගන්ඩකෝ මාමා. අපි මේ ජන්ද කෙළි අමතක කරමු . මේ ජන්දෙට නොසෑහෙන්න කඩේ ගිහින් මහන්සි වුනනේ ඉතින් ඒ වගේ බොක්කෙන්ම කැප වෙලා චාමර රණවකගේ සෝ එක කරමු එතකොට අපිට අලුත් අරමුණක් තියෙනවා . හිතේ අමාරුවත් ඉවරයි “.
වටින් පිටින් බකමූණු හඬ ඇහුණා .
"ඉතින් බං චාමර රණවක ගෙන්නලා සෝ එකක් තීවට ආයේ රටට වැඩක් වෙනවය .?
අජියා ගොඩක්
වෙලාවකට පස්සේ කතා කළා .
ඇත්තටම ඌ
කතා කල එක මට ලොකු සතුටක් වුණා"
"මචං අපිට රට හදන්න බෑ .ඒ නිසා අපි රට ආතල් එකක් ගම්මු .. . දැන් උඹලා චාමර රණවකගේ සෝ එකකට ආස නැද්ද ? කරමුද බෑද ?”
"කරමු කරමු ….! හැබැයි චාමරට ගැලපෙන බෑන්ඩ් එක ඕල් රයිට් . . චාමර එනව නම් ඕල් රයිට් බෑන්ඩ් එකත් ඕන .”
හැමෝම මගේ යෝජනාවට එකතු වුණා . කට්ටියගෙම මනාපෙන් කවදත් අපේ ගමේ කොල්ලන්ගේ හිතේ ගිනි නිවාපු ගමේ ජනප්රියම ගායකයා චාමර රනවකව ගෙනල්ලා ඕල් රයිට් සංගීත කණ්ඩායම සමග ඇට්ටි හැලෙන මැක්සා ආතල් එකක් ගන්න අපි හැමෝම ඒකමතිකව තීරණය කළා .
ඔන්න ඔයි විදිහට අපේ ගමේ කොල්ලෝ කට්ටියක් අලුත් අරමුණක් වෙනුවෙන් කැප වුණා .
"මචං අපිට රට හදන්න බෑ .ඒ නිසා අපි රට ආතල් එකක් ගම්මු .. . දැන් උඹලා චාමර රණවකගේ සෝ එකකට ආස නැද්ද ? කරමුද බෑද ?”
"කරමු කරමු ….! හැබැයි චාමරට ගැලපෙන බෑන්ඩ් එක ඕල් රයිට් . . චාමර එනව නම් ඕල් රයිට් බෑන්ඩ් එකත් ඕන .”
හැමෝම මගේ යෝජනාවට එකතු වුණා . කට්ටියගෙම මනාපෙන් කවදත් අපේ ගමේ කොල්ලන්ගේ හිතේ ගිනි නිවාපු ගමේ ජනප්රියම ගායකයා චාමර රනවකව ගෙනල්ලා ඕල් රයිට් සංගීත කණ්ඩායම සමග ඇට්ටි හැලෙන මැක්සා ආතල් එකක් ගන්න අපි හැමෝම ඒකමතිකව තීරණය කළා .
ඔන්න ඔයි විදිහට අපේ ගමේ කොල්ලෝ කට්ටියක් අලුත් අරමුණක් වෙනුවෙන් කැප වුණා .
මට විශ්වාසයි
මෙදා අවුරුද්දට චාමර රණවකව
අපේ ගමට ගේන වැඩේ සාර්ථකව
කරන්ඩ මට හැකි වේවි කියලා .
අරමුණක්
වෙනුවෙන් මහන්සි වෙලා පැරදුණාම
තරහ යන එක සුබාවිකයි .
ඒත් පැරදිලාම
පුරුදු අපිට නම් පැරදීමත්
ආතල් එකක් . ඉතින්
පැරදීමේ අමාරුව යවන්ඩ අපිට
හිටි පොඩි අපේක්ෂකයා තමයි
චාමර රණවක .චාමර
රණවක ගේන වැඩේ අපේ කොල්ලොන්ට
බාරදීලා මම ආයේ කොළඹ එන්න
පිටත් වුණා .
රට දෙල් වැටෙන කාලේ දුක දීලා ආයේ
මගෙ ලෝකෙ කළුවර වුණා //චාමරගේ සින්දු කෑලි කිය කියා අලුත් වැඩේට ලැහැත්ති වෙන අපේ ගම ගැන මට හීනිවට සතුටක් දැනුණා …
ජන්ද ආතල් අහවර වෙලා හැමදේම නෝමල් වේවි. අන්තිමට අපි අපි විතරක් ඉතිරි වේවි . . . කොහොම වෙතත් හිතේ දුකට කිරිබත් නොකෑවට අපිත් අපේ අලුත් ජනාධිපති තුමාට බොක්කෙන්ම සුබ පැතුවා .